Gündəlik proqramlar sağlam səhər yeməyi və idman ilə başlayır.  Proqrama həm fəal istirahət, təbiətdə gəzinti və başqa ailəvi fəaliyyətlər, həm də axşam saatları üçün nəzərdə tutulmuş musiqi proqramı və incəsənətlə bağlı tədbirlər daxildir.  Axşam proqramında iştirakçılar tərəfindən təşkil olunmuş teatr səhnəcikləri, müxtəlif oyunlar və başqa əyləncələr də nəzərdə tutulmuşdur.   Bu iki günlük Yay Məktəbi görüşləri adətən Sentiyabr və May aylarında Quba və digər rayonların istirahət mərkəzlərində təşkil olunur.  İki günlük proqram üçün iştirakçıların sayı 25 ailə ilə məhdudlaşdırılmışdır və sizlərə tövsiyə olunur ki, ailələrinizi öncədən qeydiyyatdan keçirəsiniz.